Bhagwan Swaminarayan Jivanpran Abjibapashri HDH Gopalanand Swami HDH Nirgundasji Swami HDH Ishwarcharandasji Swami HDH Vrundavandasji Swami HDH Keshavpriyadasji swami HDH Bapji HDH Swamishri

HDH Gopalanand Swami

Parichay Jivan Darshan Sarvotkrustata Video Darshan Publication

મુસલમાનમાંથી તાઈ

એક વાર મુસલમાનો મંદિરની ગાયોને કસાઈવાડે પરાણે ખેંચીને લઈ જવા લાગ્યા. સ્વામીશ્રીએ અંતર્યામીપણે આ વાત સૌને જણાવી. તેથી તરત બધા ભક્તો દોડતા ત્યાં ગયા અને કસાઈ લોકોને મારતા રોકવા પ્રયત્નો કર્યા. પરંતુ પાપમાં ચકચૂર બનેલા તે પાપીઓ આ ભક્તોની વાતમાં ન માન્યા ને પોતાના કાર્ય તરફ આગળ વધ્યા. અને જ્યાં તલવાર ઊંચી કરી કે તરત નાથ ભક્તના મુખમાંથી શબ્દ સરી પડ્યા, “હાં...હાં... અરે પાપીઓ ! તમે કેવા જડ જેવા છો તે આ બધા કહે છે, પણ માનતા નથી ?” આમ, કહેતાં જ બધા મારવાવાળા હતા તે સર્વે પથ્થરના પૂતળા જેવા બની ગયા. તેમના સગાંઓ બધા ભેગા થઈ ગયા. આમથી તેમ ઘણું હલાવ્યા, બોલાવ્યા પણ એકેય ન બોલે કે ન ચાલે. અંતે બધા થાકીને મંદિરે રોતાં-કકળતાં સ્વામીશ્રી પાસે આવ્યા અને ખૂબ માફી માગી. પછી સ્વામીએ નાથ ભક્તને પ્રસાદીનું પાણી આપીને મોકલ્યા ને કહ્યું કે, “લ્યો, આ છાંટજો અને તેમને સર્વેને સચેતન કરીને અહીં તેડી લાવજો.”

પછી પાણી છાંટતાં સર્વે સચેતન થયા. અને નાથ ભક્તના પગમાં પડી ખૂબ માફી માગી. જ્યારે સ્વામીશ્રી પાસે લાવ્યા ત્યારે રોતાં-કકળતાં સ્વામીશ્રીની માફી માગી. એ વખતે સ્વામીશ્રીનાં તેમને પયગંબર રૂપે દર્શન થયાં. પછી સ્વામીશ્રીએ સૌની પર પાણી છાંટી વર્તમાન ધરાવી કહ્યું, “જાવ, તમારાં આજ સુધીનાં અનંત પાપકર્મ બાળ્યાં. હવેથી આ કસાઈનો ધંધો કરતા નહીં. અને લૂગડાં વણવાનો ધંધો કરજો ને તમારું ખૂબ સુખેથી ગુજરાન ચાલશે.” આમ, સ્વામીશ્રીનું વચન માથે ચડાવી તે સર્વ ૨૫-૩૦ કુટુંબો સત્સંગી થયા ને મુસલમાન મટી તાઈ થયા, જે હજી વડોદરામાં રહે છે ને તાઈની અટકથી ઓળખાય છે.