Bhagwan Swaminarayan Jivanpran Abjibapashri HDH Gopalanand Swami HDH Nirgundasji Swami HDH Ishwarcharandasji Swami HDH Vrundavandasji Swami HDH Keshavpriyadasji swami HDH Bapji HDH Swamishri

HDH Vrundavandasji Swami

Parichay Jivan Darshan Sarvotkrustata divya Prasad Publication

ગુરુભક્તિ

એક દિવસ સદ્‌. શ્રી માધવજીવનદાસજી સ્વામીએ સ્વામીશ્રીને કહ્યું, “સાધુરામ ! સત્સંગમાં થોડા વહેલા આવ્યા હોત તો નંદસંતોનાં દર્શન-સમાગમનો લાભ તમને મળત. હવે તો એ લાભ ક્યાંથી મળવાનો ?”

ત્યારે ગુરુ પ્રત્યેનો અહોભાવ દર્શાવતાં સ્વામીશ્રી વૃંદાવનદાસજીએ કહ્યું, ‘‘દયાળુ ! શ્રીજીમહારાજની કૃપાથી આપ મને મળ્યા છો. તેથી નંદસંતોનાં દર્શન-સમાગમનો લાભ તો મને આપનાં જ દર્શન, સેવા, સમાગમમાં મળી રહ્યો છે. મારા માટે તો આપ રાજી છો એટલે બધું જ આવી ગયું. ’’

મોટાપુરુષની એક એક ક્રિયા હેતુસભર જ હોય છે. કારણ કે આ બ્રહ્માંડમાં એમનું પ્રાગટ્ય પણ હેતુસભર જ હોય છે ને ? “પોતાને મળેલા સત્પુરુષને વિષે અહોભાવ એ આધ્યાત્મિક માર્ગમાં સુખિયા થવાનું પ્રથમ પગથિયું છે” એવી વાત સદ્‌. શ્રી વૃંદાવનદાસજી સ્વામીએ માત્ર કરી જ નથી, પરંતુ ‘પોતાને મળેલા સત્પુરુષને વિષે અહોભાવ, નિર્દોષભાવ અને નંદસંતોના જેવી પ્રાપ્તિ સાથે રાજીપો કમાતા રહેવું’ એ લક્ષ્યાર્થ સિદ્ધ કરી બતાવ્યો છે.

શરૂઆતમાં ગુરુ શ્રી માધવજીવનદાસજી સ્વામીને મળેલી અમદાવાદ મંદિરની મહંતાઈને લીધે એમની સાથે સત્સંગના વ્યવહારમાં જોડાવું પડ્યું, છતાંય પોતે ખંત-ખચીત અને ભગવાનના વહીવટને શુદ્ધ રીતે કરવાની સેવાભાવનાથી દેવની સેવા કરતા.

આ એમના ઊંચા ગુણો જોઈ આચાર્ય મહારાજશ્રીએ એમને અધિકારમાં જરાયે રુચિ નહિ હોવા છતાં ધોળકાના મહંત તરીકે નીમ્યા. એકમાત્ર સત્સંગના ધણી એવા શ્રીજીમહારાજને રાજી કરવા જ તેમણે એ પદનો સહર્ષ સ્વીકાર કર્યો.